Month: October 2020

ថៃ៖ ពាណិជ្ជកម្មទំនិញតាមព្រំដែនបានចាប់ផ្តើមឡើងវិញនៅលើស្ពានមិត្តភាពថៃ-មីយ៉ាន់ម៉ាទី ២ នៅស្រុក Mae Sot កាលពីព្រឹកថ្ងៃច័ន្ទបន្ទាប់ពីមានការរឹតបណ្តឹងនៃជំងឺ COVID-១៩ ត្រូវបានបន្ធូរបន្ថយ។ ការចាក់សោរលើសហគមន៍ចំនួនពីរនៅក្នុងស្រុកនេះនឹងត្រូវដកចេញនៅព្រឹកថ្ងៃអង្គារនេះ។ កួររំលឹកផងដែរថា ការធ្វើពាណិជ្ជកម្មទំនិញតាមព្រំដែនរវាងប្រទេសថៃនិងមីយ៉ាន់ម៉ាឆ្លងកាត់លើស្ពាននៅឯ Ban Wang Ta Khian នៅក្នុងតំបន់ Tha Sai Luat ត្រូវបានផ្អាកនិងសហគមន៍ក្នុងស្រុក Mae Sot ចំនួនពីរគឺ Masjid Madihah និង Ban Thung Thong ក៏ត្រូវបានគេចាក់សោរផងដែរបន្ទាប់ពីមានករណីឆ្លងជំងឺ COVID-១៩ ជាច្រើនត្រូវបានគេរកឃើញនៅក្នុងស្រុក Mae Sot នេះ។ អភិបាលខេត្តលោក Pongrat Piromrat បានមានប្រសាសន៍ថាការសម្រេចចាប់ផ្ដើមបន្តការដឹកទំនិញដឹកទំនិញឡើងវិញចាប់ពីថ្ងៃច័ន្ទនេះនិងការដកបម្រាមការចាក់សោរចេញនៅថ្ងៃអង្គារកើតឡើងដោយសារកិច្ចប្រជុំមួយកាលពីថ្ងៃអាទិត្យនៃគណៈកម្មាធិការត្រួតពិនិត្យជំងឺខេត្តដែលលោកជាប្រធាន។…

ម៉ាឡេស៊ី៖ កូនក្រមុំវ័យ​២៣ឆ្នាំម្នាក់ ឈ្មោះ Coco Siew បានស្លាប់បាត់ប​ង់ជីវិត បន្ទាប់​​បូមសម្រក​ខ្លាញ់ដើមដៃនៅ​សាឡនគ្មាន​អាជ្ញាបណ្ណ​មួយ​កន្លែង​នៅទី​ក្រុងគូឡាឡាំពួ ប្រទេស​ម៉ាឡេស៊ី ដោយចំណាយអស់ទឹកប្រាក់ជាង៦០០ដុល្លារអាមេរិក។ យោងតាមប្រភពព័ត៌មាន​ បានឲ្យដឹងថា នៅ​ថ្ងៃ​ទី១៧ ខែ​តុលា ឆ្នាំ ២០២០ ដែល​ត្រូវ​ជា​ថ្ងៃ​កើត​ហេតុ នៅមុន​ពេល​ឈាន​ដល់​ការ​បូម​ខ្លាញ់ នាង​ត្រូវ​បាន​ខាង​សាឡនចាក់​ថ្នាំ​ស្ពឹក ហើយពេលនោះចង្វាក់បេះដូងរបស់នាងបានធ្លាក់ចុះ និងចាប់ផ្ដើមប្រកាច់។ ភ្លាមៗនោះ នាងក៏ត្រូវបានគេបញ្ជូនទៅសង្គ្រោះនៅមន្ទីរពេទ្យផងដែរ តែអកុសលគ្រូពេទ្យមិនអាចជួយសង្រ្គោះបានទេ ហើយនាងបានបាត់បង់ជីវិតនៅថ្ងៃនោះតែម្ដង។ ជុំវិញករណីនេះ ក្រុមគ្រួសាររបស់នាង Siew ក៏បានដាក់ពាក្យបណ្ដឹងទៅកាន់ប៉ូលិសផងដែរ។ ហើយបន្ទាប់ពីបងប្រុសរបស់នាង បានសួរដេញដោលម្ចាស់សាឡននោះម្ដងហើយម្ដងទៀត ទើបដឹងថាសាឡនរបស់ពួកគេ ពុំមានអាជ្ញាបណ្ណអនុញ្ញាតឲ្យធ្វើការកែសម្ផស្សបែបវេជ្ជសាស្ត្រឡើយ ដោយមានត្រឹមតែអាជ្ញាបណ្ណ​សម្រាប់ព្យាបាលសម្ផស្សធម្មតាៗប៉ុណ្ណោះ។ សារព័ត៌មានក្នុងស្រុកបានរាយការណ៍ដែរថា ក្រៅពីនាង Siew មានមនុស្សយ៉ាងហោចណាស់១០នាក់ ក៏ធ្លាប់បានកែសម្ផស្សនៅទីនោះផងដែរ។ យ៉ាងណាមិញ លោក…

ភ្នំពេញ៖ ក្រុមហ៊ុន Forest Harmony ដែលជាក្រុមហ៊ុនអភិវឌ្ឍន៍វីឡាលម្ហែកាយប្រណីតឈានមុខគេនៅកម្ពុជាកាលពីថ្ងៃសៅរ៍បានប្រកាសបើកដំណើរការគម្រោងអភិវឌ្ឍន៍ដំណាក់កាលទី ២ របស់ខ្លួនមានឈ្មោះថា Golf Harmony នៅលើផ្ទៃដី ២៧.៣ ហិកតា ដោយនាំយកទីលានវាយកូនហ្គោលលើកដំបូងនៅក្នុងខេត្តកំពត ព្រមទាំងវីឡា និងអគារខុនដូចំនួន ៤ អគារនៅខេត្តសក្តានុពលមួយនេះ។ សម្រាប់ដំណាក់កាលដំបូងនៃគម្រោងរបស់ក្រុមហ៊ុន Forest Harmony រួមមានវីឡាចំនួន ៧៨ ដែលគ្របដណ្តប់លើផ្ទៃដី ១៣ ហិកតាត្រូវបានបើកការលក់កាលពីខែ ធ្នូ ឆ្នាំ ២០១៩ ហើយគិតមកទល់ពេលនេះវីឡាជាង ៦០ ភាគរយត្រូវបានលក់អស់រួចទៅហើយ។ កម្មវិធីនេះធ្វើឡើងនៅសណ្ឋាគារ Raffle Hotel Le Royal ដែលមានវត្តមានជាកិត្តិយសពីមន្រ្តីជាន់ខ្ពស់ពីស្ថាប័នរដ្ឋាភិបាល វត្តមានកិត្តិយសពីលោក ច្រឹក សុខនីម…

ចិន៖ បុរសម្នាក់មានឈ្មោះថា លីន ជៀនខៃ ត្រូវបានតុលាការកាត់ទោសប្រហារជីវិត បន្ទាប់ពីគាត់បានសម្លាប់កូនប្រុសអាយុ២ឆ្នាំរបស់មិត្តស្រីយ៉ាងសាហាវព្រៃផ្សៃ។ តាមប្រភពព័ត៌មានបានឲ្យដឹងថា កាលពីឆ្នាំ២០១៨ លោក លីន បានផ្លាស់ទៅរស់នៅជាមួយនឹងមិត្តស្រីរបស់លោក ដែលមាននាមត្រកូលថា ស៊ូ ដោយនាំកូនប្រុសរបស់នាងមករួមរស់ជាមួយផងដែរ។ ហើយកំឡុងពេលរស់នៅជាមួយគ្នា កូនប្រុសរបស់នាងស៊ូ ត្រូវបានលោកលីន វាយធ្វើបាបជាប្រចាំ។ លុះមកដល់ថ្ងៃទី២៤ ខែកក្កដា ឆ្នាំ២០១៩ លោកលីន បានវិលត្រលប់មកផ្ទះវិញដោយភាពស្រវឹង ហើយបានយកជ្រុញ និងវែកឆា វាយទៅលើក្បាលរបស់នាងស៊ូ រួមទាំងកូនរបស់នាង ដោយសារតែមានបញ្ហាបន្ដិចបន្ដួចប៉ុណ្ណោះ។ បន្ទាប់មកទៀត លោកលីនក៏បានក្រវែង ក្មេងប្រុសទៅលើឥដ្ឋ និងទាត់ធាក់ផងដែរ។ ហើយទីបំផុត លោកលីន បានចាប់ជ្រមុជទឹកក្មេងប្រុសនៅកន្លែងលាងដៃក្នុងបន្ទប់ទឹក និងចាក់ស្រាដែលមានកំម្រិតខ្ពស់ចូលទៅក្នុងមាត់របស់ក្មេងប្រុស រហូតដល់ស្លាប់បាត់បង់ជីវិត។ ចំណែកនាងស៊ូឯណោះវិញ បានរងរបួសផងដែរ ហើយលោកលីនក៏ត្រូវបានប៉ូលិសចាប់ខ្លួនតែម្ដង។…

ប៉ាគីស្ថាន៖ យោងតាមមន្ដ្រីអាជ្ញាធរ និងមន្ទីរពេទ្យបានឲ្យដឹងថា ករណីបំផ្ទុះគ្រាប់បែកដ៏រន្ធត់ នៅឯពិធីសិក្ខាសាលាសាសនាមួយក្នុងទីក្រុង ​Peshawar ប្រទេសប៉ាគីស្ថាន នាថ្ងៃអង្គារ ទី២៧ ខែតុលា ឆ្នាំ២០២០នេះ បានបណ្ដាលឲ្យមនុស្សយ៉ាងហោចណាស់ ៧នាក់ស្លាប់ ដោយក្នុងនោះរួមមានកុមារ ៤នាក់ផងដែរ ហើយមនុស្ស១១២នាក់ផ្សេងទៀតរងរបួស។ ជុំវិញហេតុការណ៍ខាងលើនេះ មិនទាន់មានការអះអាងជាផ្លូវការណ៍ណាមួយត្រូវបានបញ្ជាក់នៅឡើយទេ ខណៈមន្ដ្រីប៉ូលិស សូមមិនបញ្ចេញអត្ដសញ្ញាណម្នាក់ ដែលរស់នៅភាគពាយព្យនៃទីក្រុងបាននិយាយថា មុនពេលកើតហេតុគេឃើញមនុស្សមិនស្គាល់អត្ដសញ្ញាណ បានដាក់គ្រឿងផ្ទុះនៅក្នុងថង់ផ្លាស្ទិក។ ជាមួយគ្នានេះដែរ លោក Mohammad Ali Gandapur ជាប៉ូលិសនៅទីក្រុង Peshawar បានឲ្យដឹងថា គ្រាប់បែកនោះ ផ្ទុកនូវគ្រឿងផ្ទុះរហូតដល់ទៅប្រមាណ ៦គីឡូក្រាមឯណោះ។ អ្នកស្រុកម្នាក់ ឈ្មោះ Abdul Rahim ដែលមានបងប្អូនជីដូនមួយដែលស្ថិតក្នុងចំណោមអ្នករងរបួស បាននិយាយថា…

ភ្នំពេញ៖ តារាសម្ដែង និងតារាចម្រៀងស្រីអ្នកនាង ឆៃ លីដាឡែន ទោះធ្លាប់បានផ្អាកពីសិល្បៈមួយរយៈ តែពេលនេះនាងកាន់តែទទួលបាននូវប្រជាប្រិយភាពខ្លាំង ដែលមានការគាំទ្រច្រើនពីទស្សនិកជនគ្រប់មជ្ឈដ្ឋាន។ ម្យ៉ាងវិញទៀត តាមការសង្កេតឃើញថា តារារូបនេះរឹតតែមានភាពមមាញឹក ជាមួយការងារថតខ្សែភាពយន្តជាបន្តបន្ទាប់ផងដែរ។ បើងាកមកមើលជីវិតរស់នៅក្រៅវិស័យសិល្បៈវិញ ពេលនេះតារារូបនេះ កំពុងមានក្ដីសុខរស់នៅជាមួយកូនស្រីម្នាក់ បើទោះបីជាស្ត្រីមេម៉ាយចិញ្ចឹមកូនតែម្នាក់ឯងក៏ដោយ។ ក្នុងនោះដែរ អ្នកគាំទ្រធ្លាប់តែឃើញស្នាមញញឹម និងភាពសប្បាយរីករាយរបស់អ្នកម៉ាក់សម័យថ្មីរូបនេះ​ តែប៉ុន្មានម៉ោងមុននេះ អ្នកនាង ឆៃ លីដាឡែន បានបង្ហោះរូបភាព អង្គុយលើរទះរុញនៅក្នុងមន្ទីពេទ្យ អមនឹងទឹកមុខយ៉ាងក្រៀមក្រំ ជាពិសេស នាងបាននិយាយថា៖ សង្ឃឹមថាថ្ងៃស្អែក ឯងពិតជាមិនអីទេ​ដាឡែន​ ស៊ូៗ ឯជាស្រីដែលរឹងមាំ ហេីយជាស្រីដែលពូកែ​ សង្ឃឹមថ្ងៃស្អែកឯងអាចទ្រាំបាន។ សម្ដី អ្នកនាង ឆៃ លីដាឡែន គួរបញ្ជាក់ផងដែរថា ក្រោយបង្ហោះរូបនៅមន្ទីពេទ្យយ៉ាងដូច្នេះរួច…

ភ្នំពេញ៖ នេះគឺជាលើកទី២ បន្ទាប់ពីតារាចម្រៀង រ៉េត ស៊ូហ្សាណា បានចាប់ដៃគ្នាសម្តែងនៅក្នុងបទចម្រៀង «សង្ស័យ» ជាមួយលោក សុវត្ថិ មុនីនាគ។ បន្ទាប់ពីចេញបទ «សង្ស័យ» មកសង្កេតឃើញថាអ្នកទាំងពីរពិតជាទទួលបានការគាំទ្រយ៉ាងខ្លាំងពីសំណាក់ទស្សនិកជន និងមិត្តៗអ្នកគាំទ្រលើសពីការរំពឹងទុកតែម្តង។ ជាក់ស្តែង កាលពីម្សិលមិញនេះផេកផ្លូវការរបស់ផលិតកម្មរស្មីហង្សមាស ក៏បានបញ្ចេញនូវបទចម្រៀងថ្មីចំណងជើងថា «សុំខុសមួយយប់» ដែលជាការបកស្រាយ សុវត្ថិ មុនីនាគ និង រ៉េត ស៊ូហ្សាណា។ តួយ៉ាង នៅក្នុងវីដេអូចម្រៀងនេះសង្កេតឃើញថា បទភ្លេងថ្មី រសជាតិថ្មី ចង្វាក់ប្លែក ធ្វើឲ្យផ្ទុះការគាំទ្រជាថ្មីម្តងទៀត ក្នុងនោះផងដែរ ក៏មានមតិមួយចំនួនបានរិះគន់ពីវីដេអូបទចម្រៀងមួយនេះផងដែរ៕ ចង់ដឹងថា តើវីដេអូចម្រៀងនេះមានអត្ថន័យពិរោះ ប្លែកយ៉ាងណា សូមទស្សនាវីដេអូខាងក្រោមនេះ៖

ភ្នំពេញ៖ ជាការពិត ប្រិយមិត្តអ្នកអាន ក៏ដូចជាមហាជន តែងតែចាប់អារម្មណ៍ រូបភាពពោរពេញទៅដោយភាពផ្អែមល្ហែម យ៉ាងមានសុភមង្គល ពីជីវិតគ្រួសារបែបសាមញ្ញ របស់ អ្នកឧកញ៉ាគិត ម៉េង និងភរិយា លោក ជំទាវ ស្រីតូច ចំណាន នៅលើបណ្តាញសង្គមជារឿយៗ។ យ៉ាងណាមិញ នៅលើគណនីហ្វេសប៊ុក​ទើបតែបង្កើត ជាផ្លូវការរបស់ សេដ្ឋីជួរមុខដែលចូលចិត្តប្រើជីវិតស្ងៀមស្ងាត់ មិនសូវចូលចិត្តបញ្ចេញ រឿងឯកជន ទៅកាន់មហាជននោះ បានបង្ហោះ រូបភាពជាច្រើនសន្លឹកថតជាលក្ខណៈគ្រួសារ ដោយបាន បង្កប់ភាពកក់ក្តៅ យ៉ាងជ្រាលជ្រៅជាខ្លាំង។ អ្វីដែលកាន់តែពិសេស ក្នុងនោះ អ្នកឧកញ៉ា បានអមជាមួយ ខ្លឹមសារ ចាក់ដោតមួយ ដែលបង្ហាញ ទំហំក្តីស្រលាញ់ធំធេង ដែលបានថ្លែងអំណរគុណ ទៅកាន់ក្រុមគ្រួសារ​របស់ អ្នកឧកញ៉ា…

ភ្នំពេញ៖ ទីផ្សារការិយាល័យបានផ្លាស់ប្តូរទៅកាន់តំបន់បឹងកេងកង១ ដែលជាតំបន់មានភាពពេញនិយម និងល្បីល្បាញនៅទីក្រុងភ្នំពេញសម្រាប់ជនបរទេស ដោយសារតំបន់នេះមានអ្វីៗសព្វបែបយ៉ាង ដែលជួយសម្រួលដល់ការរស់នៅ និងធ្វើឲ្យបែបផែនជីវិតមានភាពរស់រវើក។ ដោយមើលឃើញនិន្នាការនេះ អ្នកវិនិយោគគម្រោង Golden Tower 322 បានចាប់ផ្តើមសាងសង់អាគារពាណិជ្ជកម្មចម្រុះ រួមមានការិយាល័យ និងខុនដូយ៉ាងប្រណីត ជាមួយនឹងតម្លៃសមរម្យសម្រាប់អតិថិជន។ Golden Tower 322 ជាអគារពាណិជ្ជកម្មបែបចម្រុះឈានមុខគេមួយ និងត្រូវបានសាងសង់ ដោយផ្អែកលើគំរូនៃការិយាល័យរបស់ក្រុមហ៊ុន Google ខណៈអគារមួយនេះ នឹងនាំមកនូវការរិយាល័យ ដែលជម្រុញដោយកិត្យានុភាពដល់តំបន់នេះ។ លោក ខៀវ ម៉ានិត អ្នកផ្ដាច់មុខលក់គម្រោង Golden Tower 322 បានប្រាប់ឱ្យដឹងនៅល្ងាចថ្ងៃទី២៤ ខែតុលា ឆ្នាំ២០២០ ចុងសប្ដាហ៍កន្លងទៅនេះថា៖ « Golden Tower…