Category: អប់រំ

អំណាចនៃសេចក្ដីស្រឡាញ់ដ៏ពិតប្រាកដ មិនមានអ្វីអាចមកបំបែក ឬពង្រាត់បាន ក្រៅតែពីសេចក្ដីស្លាប់នោះឡើយ ឱ្យតែមនុស្សពីរនាក់ ជាក់ថាស្រឡាញ់គ្នា មានចិត្តស្មោះត្រង់ចំពោះគ្នា ទោះមានអ្នកទីពីរ ទីបី ទីបួន ប៉ុន្មាននាក់ចូលមក ក៏មិនអាចឱ្យអ្នកបែកគ្នាបានដែរ។ លើកលែងតែមនុស្សរបស់យើងប្រុងក្បត់ មានចិត្តលើអ្នកដែលចូលមកជ្រៀតជ្រែក ចិត្តទោរទន់ ទៅតាមគេដែរ ទើបអាចឱ្យប្រែចិត្ត ផ្លាស់ប្ដូរ បាត់បង់ក្ដីស្រឡាញ់ និងភាពស្មោះត្រង់ចំពោះដៃគូរបស់ខ្លួនឯង។ ជឿទៅថា មនុស្សដែលស្មោះចំពោះដៃគូ មនុស្សដែលស្រឡាញ់យើងពិតប្រាកដ មិនថានៅពីមុខ ឬក្រោយខ្នងយើងទេ ឬទោះមានគេល្អជាងយើង ស្អាតជាងយើង មានជាងយើងប៉ុនណា ក៏គេនៅតែស្ម័គ្រស្មោះចំពោះយើងគ្រប់វេលា។ ប៉ុន្តែ ប្រសិនបើគេមិនស្មោះចំពោះយើងហើយនោះ ទោះយើងឱបក្រសោបគេប៉ុនណា ទោះយើងល្អនឹងគេប៉ុនណា ក៏គេនៅតែអាចក្បត់យើង ទៅរកអ្នកផ្សេងបានដែរ គេអាចធ្វើបានសូម្បីតែ អ្នកក្រោយ ទាំងអន់ ទាំងអាក្រក់ជាងយើង ក៏គេនៅតែចេញទៅ…

ពាក្យថា រៀបការ វាអាចជាពាក្យស្រួលនិយាយ ហើយក៏ងាយយល់ តែការរៀបការ សាងគ្រួសារ វាមិនមែនជារឿងដែលងាយដូចការគិតនោះទេ តែបើអ្នកអាចគិតដល់ចំណុចទាំងនេះ ចូរពិចារណា ហើយសួរខ្លួនឯងសិនថា តើអ្នកអាចធ្វើនូវរឿងទាំងនេះបានដល់ចំណុចណា នោះហើយទើបជារឿងដែលប្រសើរ។ ១. ចិត្តធ្ងន់កម្រិតណា ចិត្តធ្ងន់ ពុំមែនចង់សម្ដៅដល់ត្រឹមតែការចេះអត់ធ្មត់ អត់ទ្រាំចំពោះរឿងដែលកើតឡើង ឬប្រឈមមុខជាមួយដៃគូតែប៉ុណ្ណោះទេ តែវាជាការដែលចង់បញ្ជាក់ថា តើអ្នកអាចស៊ូជាមួយស្ថានភាពនៃជីវិតគូបានយូរដល់ពេលណា? ការរស់នៅជាមួយគ្នា ក៏មិនមែនទាមទារឱ្យមានការទ្រាំតែប៉ុណ្ណោះទេ តែអ្នកត្រូវតែចេះបើចិត្តឱ្យទូលាយ ចេះទទួលយក និងអត់ឱនឱ្យគ្នា ទើបជីវិតប្ដីប្រពន្ធ វាមិនធ្ងន់ក្នុងការពន់រែកតែម្ខាង។ ២. មានទំនួលខុសត្រូវកម្រិតណា មិនថាស្ថិតចំពោះស្ថានភាពគ្រួសារ ឬជាមួយនឹងការងារផ្សេងៗនោះឡើយ ជាប្ដី ឬប្រពន្ធ គឺត្រូវតែមានទំនួលខុសត្រូវចំពោះគ្នាឱ្យបានច្រើន មិនថាជាការងារអ្នក ឬការងារដៃគូនោះទេ ទាមទារឱ្យភាគីទាំងសងខាងចេះរ៉ាប់រង និងទទួលយកចំពោះគ្នា ចេះចែករំលែករវាងគ្នា និងគ្នា…

ជាការពិតណាស់ មនុស្សស្រីណាក៏ដូចគ្នាដែរ នាងអាចនឹងផ្ដោតសំខាន់ដំបូងលើការស្រឡាញ់ ព្រោះនាងចាប់ផ្ដើមស្នេហាដោយមនោសញ្ចេតនា ប៉ុន្តែចុងក្រោយ នាងក៏នៅតែអាចបោះបង់មនុស្សដែលស្រឡាញ់ ដើម្បីទៅរក ឬជ្រើសយកមនុស្សដែលអាចផ្ដល់អនាគតមួយដ៏ល្អសម្រាប់នាងទៅវិញ។ មិនថាជាសង្សារ ស្រឡាញ់គ្នាខ្លាំងយ៉ាងណា នាងធ្លាប់និយាយថាមិនអាចបាត់បង់នាងយ៉ាងណាក៏ដោយ តែចុងក្រោយ ប្រសិនបើអ្នកមិនអាចឱ្យទំនាក់ទំនងភាពច្បាស់លាស់ឱ្យនាងទេនោះ នាងក៏មិនអាចនឹងបន្តជាមួយអ្នកបានមួយជីវិតដែរ។ ផ្ទុយទៅវិញ នាងបែរជាសុខចិត្តទៅជ្រើសយកមនុស្សដែលនាងទើបតែស្គាល់ ឬមនុស្សដែលឪពុកម្ដាយរៀបចំទុកដាក់ឱ្យ ដើម្បីបង្កើតគ្រួសារ និងចាប់ដៃគ្នាធ្វើដំណើរបន្តទៅមុខ។ ប្រុសៗត្រូវចាំ កុំអាងថាអ្នកជាមនុស្សដែលនាងស្រឡាញ់ កុំអាងថានាងតែងតែជឿជាក់ ទុកចិត្ត និងព្រមតាមអ្នកគ្រប់យ៉ាង ក៏បែរជាបណ្ដែតបណ្ដោយឱ្យនាងរង់ចាំអ្នកពីមួយឆ្នាំទៅមួយឆ្នាំនោះ ព្រោះវ័យរបស់មនុស្សស្រី គឺនាងត្រូវការភាពច្បាស់លាស់ពិតប្រាកដ កសាងអនាគតមួយជាមួយមនុស្សដែលអាចនៅក្បែរ និងមើលថែនាងពេញមួយជីវិត មិនមែនមនុស្សដែលចូលមកត្រឹមតែកំដរនាងមួយគ្រាៗ ឬជាមនុស្សដែលបានត្រឹមតែឱ្យនាងរង់ចាំហើយចាំទៀតនោះឡើយ។ មនុស្សស្រីនាងចង់រៀបការ មានគ្រួសារពេញមុខពេញមាត់ មិនមែនទាក់ទងគ្នារាប់ឆ្នាំ តែចុងក្រោយបានត្រឹមតែជាមនុស្សកំដរ ឬសង្សារប៉ុណ្ណឹងនោះឡើយ។ សូមចងចាំថា មនុស្សស្រីនាងអាចនឹងផ្ដល់ពេលវេលាទាំងអស់របស់នាងទៅអ្នក តែនាងមិនអាចរង់ចាំអ្នកមួយជីវិតនោះឡើយ ការដែលអ្នកឱ្យនាងចាំហើយចាំទៀត…

មនុស្សស្រីគ្រប់រូប គឺសុទ្ធតែប្រាថ្នាចង់បានគ្រួសារមួយដ៏កក់ក្ដៅ រស់នៅយ៉ាងមានក្ដីសុខសុភមង្គល តែអ្វីដែលសំខាន់ជាដំបូងនោះគឺ លុះត្រាតែនាងអាចរកបានបុរសដ៏ល្អម្នាក់ជាដៃគូជីវិត បានបុរសដែលល្អពិតមកធ្វើជាមេគ្រួសារ ជាប្ដី ជាឪពុករបស់កូននាង តែក៏ផ្គួបផ្សំនឹងនាងជាភរិយាដ៏ល្អ ជាស្ត្រីមេផ្ទះ បំពេញតួនាទីរបស់ខ្លួនបានល្អដែរ។ ប៉ុន្មានចំណុចខាងក្រោមនេះ គឺជាលក្ខណៈសម្បត្តិរបស់ប្ដីល្អ ដែលមនុស្សស្រីទាំងអស់ប្រាថ្នាចង់បាន ៖ ១. ដឹងទុក្ខធុរៈរបស់ប្រពន្ធ ក្នុងនាមជាប្ដីល្អម្នាក់ គឺរមែងដឹងទុក្ខធុរៈ យកចិត្តទុកដាក់ចំពោះសុខទុក្ខរបស់ប្រពន្ធ មិនថាខ្លួនត្រូវរ៉ាប់រងទទួលបន្ទុកធ្ងន់ប៉ុនណាទេ ក៏គេនៅតែអាចទទួលយកបាន ហើយក៏ពេញចិត្តនឹងមើលថែ ការពារប្រពន្ធឱ្យបានល្អ ជាពិសេសគឺ ចេះចែករំលែករាល់កិច្ចការងារប្រពន្ធ មិនប្រកាន់ចំពោះការងារស្រី ឬប្រុសនោះឡើយ មកពីធ្វើការ គឺជួយធ្វើកិច្ចការងារផ្ទះ។ ២. ដឹងពីតួនាទីរបស់ខ្លួនជាមេគ្រួសារ ច្បាស់ណាស់ថា តួនាទីជាស្វាមី ជាមេគ្រួសារ គឺទាមទារឱ្យមនុស្សប្រុសបំពេញ គោរព និងមានទំនួលខុសត្រវខ្ពស់ណាស់ ក្នុងនាមជាប្ដី ត្រូវតែដឹងពីកាតព្វកិច្ចរបស់ខ្លួនឯង…

ការរៀបការ មិនមែនត្រឹមតែចង់មានមនុស្សម្នាក់កាន់ដៃ ឬមករស់នៅក្រោមដំបូលផ្ទះតែមួយជាមួយគ្នាទេ។ តែការដែលរៀបការ គឺដើម្បីស្វែងរកមនុស្សម្នាក់មកផ្ដល់ក្ដីសុខ សុភមង្គល កាន់ដៃគ្នាឆ្លងកាត់បញ្ហា ការលំបាក និងឧបសគ្គទៅជាមួយគ្នា។ រូបសម្រស់ មុខមាត់ ទ្រព្យធន យសសក្តិ គឺជាគ្រឿងលម្អខាងក្រៅតែប៉ុណ្ណោះ តែសំខាន់គឺ ទឹកចិត្តស្មោះស្ម័គ្រ ដាក់ចិត្តស្រឡាញ់ មើលថែ ការពារ គោរព និងឱ្យតម្លៃគ្នាទៅវិញទៅមក។ វាមិនសំខាន់ទេថា យើងបានរៀបការជាមួយនឹងអ្នកមាន ឬក្រ តែសំខាន់គឺជាមនុស្សដែលល្អ មានគំនិតចេះធ្វើការរកស៊ី មានចំណេះ ចេះដឹងខុសត្រូវពិតប្រាកដ និងមានចិត្តអំណត់ អត់ធ្មត់ អត់ឱនអធ្យាស្រ័យឱ្យគ្នាទៅវិញទៅមក។ តើប្ដីប្រពន្ធ គួរមានទំនួលខុសត្រូវ និងគោរពតួនាទី រួមផ្សំនឹងការផ្ដល់ឱ្យគ្នាបែបណាខ្លះ ទើបអាចថែរក្សា និងការពារជីវិតអាពាហ៍ពិពាហ៍បានយូរអង្វែង? ច្បាស់ណាស់ថា មិនអាចប្រពន្ធខំតែម្នាក់ ឬស្វាមីប្រឹងប្រែងតែម្ខាងបានទេ…